سنة 1993، بيل جيتس وزوجته "كانت لسه خطيبته في الوقت دا" ميليندا جيتس كانوا بيقضوا اجازة في افريقيا. بسبب اللى شافوه هناك من فقر وشبه انعدام للموارد بدأوا يفكروا في أفضل طريقة لضمان أن الفلوس اللى بيكسبوها من مايكروسوفت تعود تاني للمجتمع وتساهم في تطويره.
.
سنة 1997 بقى بدأ الزوجين جيتس بتجميع شوية معلومات كدا من خلال المقالات اللى قرأوها عن قتل الاسهال لأطفال كتير حول العالم، كمان بدأوا تجميع العلماء، معرفة معلومات أكتر عن السكان، النمو، اللقاحات لحد ما بدأ التحرك في اواخر 1998 و 1999.
.
سنة 2000 بقى تم تأسيس مؤسسة بيل وميليندا جيتس وكان تركيزهم في القضايا اللى تخص الاطفال واهتموا بنوعين من القضايا، يا اما اطفال بتموت، أو أطفال مبيحصلوش على قدر كافي من التغذية للنمو .
.
بيل وميليندا بيحاولوا يقنعوا الاثرياء ورجال الاعمال انهم يتبرعوا لصالح أعمال خيرية وتنموية على مستوى العالم، وتقريبًا مفيش سنة واحدة بتعدي الا ما تسمع أخبار عن تبرع سخي للغاية من مؤسسة بيل جيتس عشان قضية معينة.
.
2006 بقى جه البرنس "وارين بافت" واحد من أثرى أثرياء العالم وممكن نقول انه منافس لبيل جيتس على لقب أغني رجل في امريكا، اتبرع لمؤسسة بيل وميليندا ب 80 % من ثروته! وبدأ الاشتراك معاهم ومحاولة اقناع أثرياء أكتر انهم يتبرعوا بردو
.
كذلك جيتس قرروا يتبرعوا بـ 95 % من ثروتهم لصالح المؤسسة عشان أعمال الخير والتنمية اللي بتم .
.
2014: مصريين بيموتوا بسبب أنهم يا مش لاقيين وجبة ياكلوها، يا مش لاقيين حد يدفعلهم فلوس العلاج اللى محتاجينه .